Kammon u tip u Marshall wa daw em ka Dorbar Kyrpang ka JHADC | Klam kulmar u CEM: JCOMSWA

Ka JCOMSWA ynne da pynche ko yeiwa klam u CEM ka JHADC, u Thombor Shiwat hapoh ka Dorbar Kyrpang ka Council ha ka 24 tarik uni u bnai uwa da ong wa u President ka seiñ, u Marshall Biam da tip chwa u wa daw em ka Dorbar Kyrpang tæ chah thngan u.

Neiliang u Information Secretary ka JCOMSWA, u Overcome Dkhar beiñ joor u yeini wa klam u CEM deiwa ong wa kammon u Marshall u tip u yei kaam ka Council neibhah oo ymtoh u dkhot ka Council.

Chooh chooh da ong u wa heipor wa yachem ki dkhot ka seiñ wa u CEM da e jubab u deiwa ong wa lada ka Council em bor ko mo wow tuklar heiyatoh wa ki kaam tih mooyong heiwa neiliang u Marshall da jubab u wa ka JHADC em hi ko ka bor wow yada ya ki mar pohkhyndaw katkam wa da pynkupbor ka Constitution.

U Overcome da ong u wa ini iwa klam u CEM hapoh ka dorbar pynyoo che ko wa em kiwa pynbor da kiwa em haneiñ wei da klam kulmar u. Da kylli leh na u CEM wa nadooh wa man u kam u CEM nadooh u snem 2014 hadooh kattæ ileh ym jooh pynman ya ka dorbar wa kyrpang neibynta u mooyong najrong wa tip u wa yei khyndaw u chyiap da pait da ka JHADC wei lieh da suki hi-eh ya kani ka kaam tih mooyong.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Tangwa nadooh wa chong chah thngan u President ka JCOMSWA khyrngiat yong bru ka JHADC wow khut pynman ya ka Dorbar Kyrpang.

Heijooh i por leh u Overcome da e khublei u ya ki MDC na waroh arliang kiwa da ya krehlang khamtam ya u Andrew Shullai wa u Rikut Parien hadooh wa da pyndam ya ka kyndon wa ki karkhana u embynta ki wow tih mooyong.

Puræ leh: U Marshall chah thngan u hadien wa tip wa ka JHADC da luti chwa ko wow wanrah Resolution mooyong: CEM