Uwi u Home Guard da yap noh u ha i tyrrah kari ha Byrnihat ha i miet ka 12 tarik uni u bnai heipor wa ka kari wa kit ya ki chrot bordiñ da kylla ko hajrong yong oo katwa dang pynlai kari u.
Ini da jia i heipor 6:35 i janmiet ha u sarok ha Narbong hajan u National Highway-6, wei heini wa jia ka kari Pickup wa em Number AS-25-EC-3468 wa kit chrot bordiñ yong ka Nezone Company da tyrrah ko wa ka Truck wa em Number AS-01-FC-9640 kawa kit Coke.
Ya uni u Home Guard da tip kam u Megellan Sohkhlet, uwa chong chnong ka Pahamsohthri wei da chah ban u katwa dang pynlai kari u wei nei mynsoo joor da yap noh u.
Nyngkong da kit chwa ya oo cha PHC Byrnihat tangwa da yap noh u ha luti.
Ki pulit da ong ki wa uwa yah ya ka Pickup toh u Gandhi Kalita uwa na Pachim Boragoan wa haap hapoh ka Gorchuk Police Station ka Kamrup (Metro), Assam, uwa da yut chwa na i thaw wa jia wei da wan pyndem u ha Byrnihat Police Station.
Ya ka Truck wa kit Coke da yah da u John Paul Khardewsaw uwa na New Nongstoin wei kini ki kari toh kiwa lai cha Nongpoh.
Hadien ini ki pulit na Byrnihat da pynman ki yei takit katwa ya i metyap u Home Guard da e kti cha ka yung ka sem.
Discussion about this post