U heh dooh ka National People’s Party (NPP) uwa man leh kam u Montri Rangbah, u Conrad K Sangma ynne da ong u wa ka Party da pdiang ko yei mih noh u MP Rajya Sabha warim, u Dr. WR Kharlukhi napoh ka seiñ.
U Conrad da ong u wa ini i rai toh i yong samen wei ye u man neibynta ka mynried kawa da pynkhreh u Dr. Kharlukhi.
Chooh chooh da ong u wa ka NPP pdiang ko yeini wa mih noh u wei toh ka rai yong oo wei ye u man wa da em iwa da pynkhreh u namo ka Plan.
U Conrad da kitbok kitrwiang u ya u Dr. Kharlukhi deiwa kynmoo tympang ya ki snem wa da em u wa ka NPP nadooh wa sdang ka da u PA Sangma.
Kam wow pynkynmoo wa u Dr. Kharlukhi ynne ka step da phah u ya ka chithi wow mih noh napoh ka NPP khlem da ong yei daw heiwa ya ka chithi da phah cha u State President ka NPP, u Prestone Tynsong.
U Dr. Kharlukhi jooh man u kam u State President chwa wow chimkti u Prestone Tynsong. Dadep man u leh kam u MP ka Rajya Sabha heiwa ka samoi krehkaam u da kut noh ko ha uni u snem.
Discussion about this post