U wan booh mooyurim u VP ka ri ya ka yingkieñ wa pynyabi ya ka East Khasi wa West Jaiñtia Hills

U Vice-President ka ri, u CP Radhakrishnan daw wan u cha Shillong ha ka 7 wa 8 tarik uni u bnai wei daw booh mooyurim u ya ki kaam pynroi kiwa dapoi hadooh Rs. 1,010.95 klur.

Kini ki kreh kynthup ki ya ka Rs. 850.58 klur ka New Shillong Water Supply Scheme Phase-II kawa daw pynpoi umkor 24×7 cha New Shillong City wa 32 tylli ki chnong wa em chajan heiwa da mang wow yoh myntoi hadooh 4.34 lak ngut ki bru wa 86,900 tylli ki manyung.

Sa kawi toh ya ka yingkieñ wa jrong 110 metre kawa lai najrong ka wah Umngot kawa daw chna hei lut wa Rs. 21.86 klur yow pynyabi ya ka East Khasi Hills wa West Jaiñtia Hills.

Neitæ u sarok wa jrong 13.5 Km hei lut wa Rs. 56 klur uwa na Umsen cha Barapathar yow pynmsat yei lai na Ri-Bhoi cha Assam.

Daw booh mooyurim leh neibynta ka 132/33 kV Power Sub Station ha Mawkhanu kawa daw chna hei lut wa Rs. 72.5 klur yow pynpoi bordiñ cha New Shillong.

Related posts

Maham ka Delhi Metro ya kiwa chna Reel deiwa biah ya ka Phone ha ka rel

September 6, 2026

Da chem ya ka thuk-thuk wa chah tooh na Jowai ynne i step

September 6, 2026

Sa kawi toh ka 30-Bedded AYUSH kawa booh chnat ha Shillong Civil Hospital hei lut wa Rs. 10 klur.

Kini toh kiwa kyrchaan poisa da ka sorkar pyrdi lyngba ka NESIDS, PM-DevINE wa kiwi de.

U Vice President nadooh ka 6 hadooh ka 9 tarik uni u bnai daw lai u leh cha Assam, Manipur wa Arunachal Pradesh.

Ha i por wa em u ha Shillong ha ka 7 wa ka 8 tarik da khang wow pynhær Drone ha soodong ka State Central Library wa ha Lok Bhavan, Shillong iwa man i thaw wow sah u.

Puræ leh: U chna ya ka yingkieñ na Jongksha cha West Jaiñtia najrong ka wah Umngot, pynbna u Montri ka DoNER