Ki Nurse ka North Eastern Indira Gandhi Regional Institute of Health & Medical Sciences hapoh ka lama ka NEIGRIHMS Nurses Association (NNA) da rai ki wow yakhih da ka Mass Casual Leave ha ka 9 tarik uni u bnai pynbood won da ka Indefinite Strike nadooh ka 17 tarik uni hi u bnai.
Ka Association da ong ko wa da rai yeini neidaw wa em ki dawa wa sahteiñ da slem hapyrdi wa thoh boonsien cha ki bor wa hajrong.
Ka NNA da dawa ko wow thung kreh noh ha waroh ki Post Nursing Officer wa lait, wow dam u e chawi (Outsourcing) ya ki Nursing Officer, wow pynkrehkaam ya ka Union Health Ministry’s Office Memorandum wa mih ha ka May 30, 2026, wei wow pynman smat ya ki Exam thung kreh.
Ka Association da ong ko wa da sdang chwa dei yakhih deiñ lama yong ha ka 17 tarik u August wa ki yakhih nadooh 18-21 tarik u August.
Da rai leh wow pynman ya ka Rally ha ka 21 tarik u August tangwa da pyndam noh nei pynkrehkaam ya ka Section 163 ka BNSS.
Chooh chooh ha ka yalang wa man ha ka 19 tarik u August wa u Minister ka Health & Family Welfare, u Wailadmiki Shylla deilang wa u Director, u Prof. Nalin Mehta ym em yoh yeiwa che.
Kamtæ ka NNA dadep ko wow pyntip 14 sngi chwa cha ki bor pynlai kani ka thaw sumaar wa daw em ka Mass Leave wei u tia ki chaphrang u yakhih.
Discussion about this post