Ynnin i miet ka 28 tarik heipor kamwa 6:30, kawi ka kari da iñ ko ha u sarokbah NH6 ha Pyrtakuna, East Jaiñtia Hills hadien wa haap u sainar bordiñ hajrong yong ka wei da iñ ko chirup wa uwi u bru hapoh yong ka.
Kani ka kari toh ka Eeco Van wa em Numner AS-01TC-6015 wei kawa lai na Lad Rymbai cha Badarpur, Assam heiwa manda poi ko ha Pyrtakuna da tkut u sainar High Voltage uwa da haap hajrong yong ka kari iwa pynman ya ka wow iñ ko.
Ya i metyap u bru da tip lyngba ka EPIC wa Aadhaar Card heiwa u bru da iñ u hadooh wa yap uwa tip kam u Riyaj Uddin uwa na Mamadpur, Madammohan, Karimganj, Assam.
Neiliang ki pulit da kit ki yei metyap cha Khliehriat Civil Hospital wow leh yeiwa emkaam.
Ki pulit da thooh ki leh ya uwa yah ya ka kari neibhah ym em chem ki oo wei da thooh leh ya kiwa ha-yung uni u bru khnang wow wan chim ki yei metyap.
Discussion about this post