U Deputy Commissioner ka East Jaiñtia Hills District da pyntip u cha waroh ki Courier Agency, kiwa leh ya ka e-Commerce wa kitu kiwa man kam kiwa kreh wa lai booh tiar wa hap ki wow bood ya ka kyndon ka Consumer Protection Act, 2019 wa ka Consumer Protection (E-Commerce) Rules, 2020.
Yeini da leh hadien wa yoh ujor wa em kiwa dawa poisa palat yeiwa dadep su lane iwa toh u su heipor wa lai e yei tiar cha kiwa thied. Da em leh ki ujor wa hawa ong Free Delivery tangwa dang em kiwa paan bai leh Delivery.
Da em leh kiwa ujor wa kini kiwa leh Delivery da paan poisa ki heiwa da chim ki cha ki ka poisa khlem ka Receipt wei khlem da tip ka Company wa kreh ki.
U DC da ong u wa ini i paan poisa palat yeiwa toh u su man ko pyrchah ya ka aiñ, da phah leh ya ki Company wa leh Courier wow batai che ki cha kiwa kreh ki hajrong ini.
Da phah leh ya kini ki Courier Company wow takit ki hawa jia kamni wei yow leh ki yeiwa emkaam.
Da kyntu leh ya ki paidbah wow booh ki dei miat yeiwa dadep su ki yow man kam ka sabut wei wow wan chakhmat yow ujor lada em kiwa dawa poisa palat yeiwa toh u su.
Discussion about this post