Nadooh ki sarok, ki yung skur, ki thaw sumaar, ki thaw yalehke kiwa dapoi 25 tylli ha chi sngi wan wai ha West Jaiñtia Hills

Ynne ka sngi u Chief Minister ka jylla, u Conrad Sangma chirup u Deputy Chief Minister, u Sniawbhalang Dhar wa u Health Minister, u Wailadmiki Shylla da wan booh ki ya 25 tylli ki mooyurim kiwa kyntup ya ki 16 tylli ki kreh thymme wa 7 tylli ki kreh kiwa da pyndep wei da e kti leh 2 tylli ki thaw wa dadep kreh, da saam leh ki tiar yarap wei da pynkup burom leh ya kiwa yalehke ka West Jaiñtia Hills ha ka yalang wa man ha Office krehkaam u BDO ka Thadlaskein C&RD Block.

Ha kani ka sngi da booh ya ki mooyurim wow chna ya ka Aquatic Complex ha Jowai, i siang ya u phlang wa ka Synthetic Athletic Track, VIP Gallery wa kiwi de ha Kiang Nangbah Stadium, i wai ya ka Shooting Range wa em ha Khliehtyrchi wei da booh mooyurim leh ya ka Integrated Hospital ha Ummulong.

Kiwi ki kaam toh ya ki sarok wa dadep kreh ha Ialong, Jowai, Madur Thymme, Mukhla wa Niriang kamjooh kiwa dang kreh ha Sabahmuswang wa Khliehtyrshi.

Da booh leh ya u mooyurim wow chna ya ka Stadium ha Mukhla Sohshrieh deilang ka VIP Gallery wa kamjooh leh ka madanbol ha Mukhla Umlangshor deilang u kær kynroh ya kini ki madan.

Heiyatoh wa i chait i khiah da booh ya ki mooyurim wow chna ya ki Sub-centre ha Ialong, Sabahmuswang wa Ksehrynshang heiwa da wai leh ya ka Madur-Sub Centre wa ka Lad Mukhla Sub-Centre.

Da wai ya ka yung skur thymme (Additional School Building) ka Government Girls Higher Secondary School, Jowai wei da booh mooyurim ya ki LP School Building ha Mukhla Sohshrieh, Niriang wa Mookaswan.

Da booh mooyurim leh yow kær kynroh ya ka Thomas Jones Synod College Jowai.

Da saam leh ya ki tiar yarap cha kiwa dadep chah hikai wa ki tiar yarap cha ki manbei wa dang khakhon wa kiwi.

Da pynkup burom leh ya kiwa yalehke ka West Jaiñtia Hills wa kynthup ya u Riwodmiki Lyngoh uwa yoh Gold Medal ha ka yalehke Wushu (Taolu-Nanquan) wa u Chemi I Nongpluh uwa yoh Gold Medal ha ka Wushu (Sanda) ha ka 1^st Indo-Bhutan International Games 2026. Ya ka Sawakani Lakiang kawa yoh Gold Medal ha ka Women’s Bikini Model wa I Pritam Sunar uwa yoh Gold Medal, Mr. South East Asia 2026 ha ka WFF South East Asia Championships 2026 wa pynman ha Thailand.

Da wai leh ya ka yung krehkaam wa thymme ka Office u BDO ka Thadlaskein Block.

Related posts

Ki 25 tylli ki mooyurim ynne toh ki jubab yeiwa kylli ki bru yei wiar O: Wailad

November 5, 2026

Ym ye de u pynsangeh yei kreh ya ka Shillong Ropeway: Paul

November 5, 2026

Kini ki kreh toh kiwa dapoi Rs. 133.14 klur waroh kiwa dang booh mooyurim heiwa kiwa da wai toh kiwa chongdor Rs. 65.75 klur.

U Conrad da pyntip u wa ha ki 8 snem wa da lai da wanrah 185 tylli ki kreh waheh hapoh ka West Jaiñtia Hills kiwa chongdor Rs. 1,926.52 klur heiwa na kini 37 tylli toh kiwa da pyndep, 81 tylli kiwa dang pynkreh wa 67 tylli ki wym pu em sdang.