Kyntait ka JAC wow lai cha Shimla næ Sikkim wow pait Ropeway

Ka Joint Action Committee (JAC) kawa pyrchah ya ka Shillong Ropeway Project da kyntait ko yei tyrwa ka sorkar wow yah ya ki dkhot cha Sikkim wa Shimla wow pait Ropeway deiwa ong wa ymye wow nujor ya u Lum Shyllong wa kiwi ki thaw.

Ka President ka JAC ka Deborah Marbaniang da ong ko wa da klam che ya u Tourism Minister, u Paul Lyngdoh hajrong ini.

Da ong ko wa da ong ki ya u Tourism Minister wa ym kwah ki wow lai pait ya ki Ropeway ha Shimla neibhah wa ka JAC ymtoh kawa biej wei ym ye u yah kat chawa ngait.

Chooh chooh da ong ko wa ymye wow nujor ya ka Shimla wa ka jylla Meghalaya weiwa u Lum Shyllong toh uwa e baam wa ka um ya waroh kawi ka sor Shillong.

Related posts

Dawa ka KJYSU na ka sorkar wow pyrchah yeiwa pynkylla ya ka Forest Act wa i pynyaar yei bor ki BSF hapoh Meghalaya

November 13, 2026

Pyndep ki 34 ngut ya ka Training man Security Guard na ka MPSS Security Agency Training Center Thadmuthlong

November 13, 2026

Hawa kylli lada u embynta ka JAC wa ka sorkar ha ka Inspection ya ki thaw chna Ropeway, ka President da kylli ko yei yi u myntoi neini.

Heijooh i por da ong ko wa katni ki thaw wa jooh wan ki Truck Fire Brigade wa ki kari dai um leh da raw da sngat ki kamtæ ym myntoi de u leh Inspection.