Hap hiar biang ka lieñsuiñ ka IndiGo kawa mut wow lai cha Guwahati mar ya dep hær

Ka lieñsuiñ ka IndiGo ka Flight 6E 0623 (VT-IZE), kawa mut wow lai na Pune cha Guwahati deiwa kit ya 192 ngut ki bru da sih ko mar ya hær ko.

U Pilot da pyntip u ya ka Air Traffic Control (ATC) wa ki chaka ym em psiah biang ki chapoh hadien wa hær wei da neh bait ki cha lait.

Neiliang ki bor wa pynlai ya ka Pune Airport deiwa ya krehlang wa ka ATC, ka IndiGo wa ka Indian Air Force (IAF) da pynbna ki ya ka Full Emergency, heiwa da pynkhreh nadooh ki kari tympleh diñ, ki Ambulance wa kiwi de ki bru wow yarap lada toh jia iyi ræ iyi heipor wa hiar kani ka lieñsuiñ.

Nyngkong da phah wow hær ko deiwa rap jan yow yoh u pait yei long i man ki chaka wei hadien wa yoo wa biang ki da chah wow hiar biang ko ha Pune Airport heipor 9:04 AM.

Hadien wa hiar ko da lai yah ka cha Bay No. 7 deiwa synraan ki le tylli ki kari tympleh diñ wa ar tylli ki Ambulance. Neiliang ka ATC da pyndam ko ya ka Full Emergency heipor 9:10 AM hadien wa pyntikna wa ka lieñsuiñ man ko kawa biang.

Related posts

Dei ya krehlang ka Mobakhon wa ka Namdong A u khang pyrchah yei pynyap khiar ya ki dohum dohwah

November 15, 2026

Leh pynsih u MLA deiwa kawang chuki, kawang Microphone neidaw wym yoh u klam

November 15, 2026

Hadien ini da pyndait ya ka Aerobridge yow yoh ki bru wa em hapoh u mih.

Ha ini wa jia ym em kiwon kiwon kiwa mynsoo wei ka IndiGo da pynkhreh ko da kawi won ka lieñsuiñ kawa wan na Bengaluru cha Pune yow lai won ko cha Guwahati.