Katkam wa pyntip ki pulit, haka 7 tarik uni u bnai, u Md. Ismail Hussain uwa yah yaka kari Pick-up wa em ya u number AS-18C-8279 da ujor u wa heipor kamwa 12:10 i pyrdi synyaw, kamwa 12 ngut ki bru da pynsangeh ki ka ka kari u dep te dat ki oo wei lute ki T. 1,10,000 wa le tylli ki Mobile Phone na kiwa em hapoh kari ha i thaw wa em hapyrdi Lakhipur wa Raja A’pal ha North Garo Hills.
Haka 8 tarik, u Tengseng D Sangma da ujor u wa heipor 01:00 waje i sngi heipor wa dang lai luti u cha chnong Dilne Amakgre, South West Garo Hills, 5 ngut ki bru wa rah da ki dagger, da maham pynyap ki oo wei da lute ki na oo T. 84,000 wa kawi ka Mobile Phone.
Haka 4 tarik, ka Pryanka N Marak kawa na chnong Bogadola, West Garo Hills District da ujor ko wa heipor 6 waje i miet, arngut ki bru wa ym tipmit da khut ki ka ka bei ko wow mih cha lait wei da dung ki ka da i tiar wa nep.
Haka 5 tarik, u Motiar Rahman da ujor u wa heipor 07:00 waje i miet da em wa rah bor ya u khon u heipor wa liwan yung u na Dallanggre Road, West Garo Hills. Hadien ini da yoh SMS pyn naka phone u khon u wa dawa poisa yow pynlait oo u khon u.
Discussion about this post