Jowai: Ka dorbar chnong Umjalisiaw da beiñ joor ko yei tynyap khiar ha u bru kwah snaam ya u khynnah khian uwa dang 9 snem i rta u Rimi O Pohleng naka chnong Umjalasiaw deiwa chah ah rdang u kam u mrad ha ka 26-06-18 heipor kamwa 5 waje i janmiet hadien wa chah pynchitom beiñ u khynnah chwa wow tynyap ya oo.
Ya uni u khynnah ha chwa wow tynyap ya oo da patah yabor ya oo wei da pynlai kjat na khap ki riat ki ram waka luti wa jngai deiwa sap u du ka T-shirt waka patlun poh donhi.
Ha ka khubor wa da phah da u K. Siangshai uwa man kam u Asst. Secretary ka chong Umjalasiaw, ka chong da kyrpaad ko ya ki bor ka aiñ wow leh ko deiwa khor pyrchah ya uni u bru wa leh ya ini i kaam wei wow kset ya oo chi rta khnang wa kiwi leh ym nood de ki wow leh ya kam ini i kaam.
Ka dorbar chnong leh da ong ko wa lada ka aiñ ym ye ko wow leh deiwa khor ya kam uni u jaitbru da man ko kam wow pynchlur leh ya kiwi wow leh ki ya kani ka jooh ka jait kaam.
Also Read: Chah tynyap u khynnah wa dang 9 snem na Umjalasiaw ha u kong yong oo
Discussion about this post