Ynne ka sngi u montri rangbah da lai booh yurim u ya i kreh wow chna ya ki sarok Nengmandalgre cha Daribokre (Mandalgre) wa ya u sarok na Cherangre cha Sisobibra (Nengmandalgre-Gitokgre) kiwa man ki sarok PMGSY.
U sarok na Nengmandalgre cha Daribokre (Mandalgre) jrong u kamwa 35 km, wei u kynthup u ya 7 tylli ki yingkieñ wei i kreh u lut i hadooh T. 70,55,90,100 wei daw pynyabi u ya ki 11 chnong wa kynthup ya ka Dorengkigre, Patrenggre, Rongchek Chambugong, Dorakgre, Ampanggre (Sandi), Bandigre, wa Mandalgre heiwa kiwa chong chnong em ki 1570 ngut (Census 2011) wei da kyrmen wa i kreh u pyndep toh ha u Naikhynde 2021.
U sarok wa 7.82 km na Cherangre cha Sisobibra won (Nengmandalgre-Gitokgre) u kynthup u ya ki 2 tylli ki yingkieñ hei lut iwa T 12,06,51,400, u wow pynyabi ya ki 8 chnong, ka Chachatgre, Chachat Jangkegre, Chachat Karubibra, Jakopgre, Bolkinggre, Ganinggre, Sisobibra wa Gitokgre kiwa em 2153 ngut kiwa chong chnong (Census:2011) wei i kreh da yooluti wow pyndep ha u Naikhynde 2021.
Ha kani ka sngi u Conrad da ong u wa ka sorkar ym em u chongngiah ko wow pyndep ya ki kreh yong ki sarok hapoh jylla neibynta i myntoi ki paidbah dei yoh yarap poisa leh na ka sorkar pyrdi.
Da ong u leh wa ka sorkar MDA da booddien bha ko ya ki kaam pynroi wei ki kreh kam kini (sarok) pynyoo i ya i mynsien raikut ka sorkar wei ymtoh i kaam pynbiej Election donhi.
Ki MLA wa MDC ha kani ka sngi da yaroh ki ya ka sorkar MDA harong ki kaam pynroi wa i pynkylla dur ya ka jylla.
