Heiyatoh wa iwa jia haka 24 tarik uni u bnai, u SP ka East Khasi Hills da pyntip wa da em kiwa yah thuk-thuk wa da tba kti ki ya uwi u pulit wa pynlai kari hadien wa chah pynsangeh ki ha laad S.D. Khongwir Junction, Mawlai Iewrynghep neidaw wym em sap Helmiet.
Hadien wa wan biang ki da dat ki ya uwi wa lai e baam ya ka Swiggy hajan ka Mahari Petrol Pump, Jaiaw wei da lai won ki cheiliang Jaiaw.
Hadien ini da sangeh ki ha ES Restaurant wei da dat won ki sa ya arngut kiwa na Kerala kiwa da ujor FIR ha ka Lumdiengjri wa uwi won ha Mawlai Police Station,
Kamtæ hajrong ini wa jia da ye wow tipmit ya ki soo ngut kiwa emkti ha ini i kaam wei hadien wa kylli takit ya ki da pyntikna wa emkti ki ha ini i kaam.
Ki pulit da lai rah ki leh ya kini ki soo ngut hapoh ka yung bichaar haka 29 tarik uni u bnai deiwa paan yow kset ya ki 5 sngi hapoh thanat.
U SP da pyntip u leh wa dang thooh ya kiwi kiwa emkti heini.
