Uwi u bru wa pyndur kam uwa kreh ka Meghalaya Power Distribution Corporation Limited (MePDCL) da chah kem noh u ha ki pulit ka West Garo Hills hadien wa thok u ya ki kattu katni ngut ki bru.
Ya uni u bru da tip kam u Kissan B. Marak, uwa sah ha Ampati, South West Garo Hills District, wei da chah kem u ha ki pulit ka Jengjal Police Station ha ka 27 tarik uni u bnai hadien wa yut u kattu katni por.
Ka khubor wa tikna da ong wa ka Case toh nadooh ka 10 tarik u April heiwa u Kissan da wan u ha i yung kawi ka bru ha Nengkalgree kawa haap hapoh ka Jengjal Police Station wei da kam u wa man u u sahep ka MePDCL deiwa paan Rs. 6,750 wow su ya ka bai bordiñ khlem pynsakhiat wa embynta u wa ka chnat bordiñ.
Kamtæ da Register ya ka Case thok wei pyndur kam u sahep sorkar. Hawa takit ki pulit da chem ki wa u Kissan da leh u kamjooh deiwa kam thok uwa kreh ka MePDCL wow lai su ya ka bordiñ tangwa ym em su u ya ka.
Ki pulit da pyntip ki wa da Register 6 tylli ki Case pyrchah ya oo ha kylleiñ ki Police Station ka West Garo Hills District dei suba wa dang em sa kiwi kiwa da chah thok ha oo.
Neiliang ki bor pulit da kyntu ki ya ki paidbah wow man kiwa syndong hawa chaniah wow su ya kawon kawon ka poisa cha ki bru samen.
Discussion about this post