Ka Jaintia Students’ Movement (JSM) Western Region ynne ka sngi da lai yachem wei da e ko leh da ka dorkhat ha ka Chief Executive Officer ka Jowai Municipal Board kawa man leh kam ka Census Officer yow yaklam hajrong i pynkhreh wow thung ya ki Enumerator wa Supervisor neibynta ka Census 2027.
Ha kani ka dorkhat, neiliang ka seiñ da dawa ko wa ymtoh wow pynemkaam da kiwa sikai skur wow leh ya ki kaam Census.
Da ong wa kiwa sikai skur hap ki wow leh yei kaam yong ki wow sikai ha jar jiar ki Subject wei man ki leh kiwa da khia kaam wei lada pynemkaam da ki daw ktah i ya ki khynnah skur wow ye u pyndep ya ka Syllabus.
Kamtæ ka seiñ da e buit ko wow pynemkaam da ki bru chnong wow yarap neibynta ki waphær waphær wa emkaam ka sorkar wow leh Census neibhah ha ki chnong ki thaw da em boon ki khynroo khyllood kiwa da nang da stat kamjooh ki bor chnong.
Discussion about this post