Ha iwi i jia wa pynkhyrngiat ya kiwa boon, kawi kawa sikai Tuition ha Malad, Mumbai da thang ko yei kti u khynnah wa 8 snem neidaw wa sih dak ware u.
Ini da jia i ha i janmiet ka 28 tarik uni u bnai ha yung ka Rajshree Rathore, kawa sikai Tuition ha JP Decks Building, Malad East.
Uni u khynnah toh uwa lai Class 3 ha Lakshadham School wei da lai Tuition u hei janmiet ha yung ka Rajshree nadooh 7:00 waje i miet hadooh 9:00 waje i miet.
U pa uni u khynnah, u Mustakeen Khan da pyntip u wa ka payu waheh uni u khynnah da lai booh ko oo ha Tuition kamwa jooh leh man-ka-sngi.
Ha i miet ka 28 tarik da pyntip ya u Khan wa uni u khynnah da yaam u wei da phah lithooh ki oo wei manda poi ha yung da khana u wa da chah thang u na kti timun da i mombati neidaw wa sih dak u.
Ya uni u khynnah da kit cha Babasaheb Ambedkar Hospital wei da ujor leh pyrchah ya ka Rajshree kawa da kam wa da leh ko yeini kam wow sneiñ ya uni u khynnah.
Discussion about this post