Chi tayaw e por ya ki MP warim wow mih ki na ki thaw sah wa da pynbiang ka sorkar

Jowai: U CR Patil uwa man kam u Chairman ka Lok Sabha Housing Committee da phah mih u ya waroh ki MP warim ki warem ha kani ka Election MP cha ka Lok Sabha kiwa dang pteiñ u sah ha ki yung sorkar namo ki Official Bungalows wa da e cha ki heipor wa man ki kam ki MP wa em ha Lutyens’ Delhi.

Da e por ya kini ki MP chi tayaw nadooh ka 19 tarik uni u bnai wow mih ki wei lada ym leh ki ya ini hapoh le sngi daw ah yaka um, ka bordiñ ka Gas wa pynpoi cha ka thaw sah ki.

Da chim ya kani ka rai hadien wa mih khubor wa palat 200 ngut ki MP kiwa da rem ym pu em mih yung ki.

U Patil da pyntip u leh wa hadien wa pynmih ya kani ka hukum ym em uwi leh u MP warim wa da ong wa ym mih noh ki.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Katkam ka kyndon, ki MP warem hapoh chibnai toh u mih noh ki nadooh wa kut ka samoi krehkaam ka sorkar warim.

Kam wow pynkynmoo wa u President ka ri u Ram Nath Kovind haka 25-05-19 da pynkut u yei por krehkaam ka 16^th Lok Sabha hadien wa da yoh yaka sorkar wa thymme.

Ini wym mih kini ki MP warim, kiwa jop thymme da hap ki wow pynbiang ya i thaw sah wa chipor.