Ki pulit ka East Garo Hills District Police da yoh kem ki ya chiboon ki tiar yaleh na i khloo hajan ka chnong Dura Bawegre, East Garo Hills District hei step ka 25 tarik.
U Superintendent of Police, East Garo Hills, da ong u wa ya i lai kynreh da pynman heipor 1:00 waje i step heipor wa yoh ya ka yutip wa tikna hapoh i yahkhmat u Superintendent of Police, Additional Superintendent of Police, ki sahep wa ki Special Operations Team (SOT) ka East Garo Hills DEF, Williamnagar.
Ha ini i lai kynreh da chem ya ki tiar yaleh wa suba toh wa murieh da ki dkhot ka Garo National Liberation Army (GNLA) wa ka United Liberation Front of Asom (ULFA).
Ha ini i thaw da chem ya ka suloi AK-56 Rifle, AK Magazine, le tylli ki pistols wa ar magazine, ka suloi ar ktang, 7 tylli ki tiar tympdung bomb, 99 tylli ki kuli AK 7.62, soo kuli ki 7.65 mm, 50 tylli ki Electric Detonator, 11 tylli ki shotgun cartridge wa uwi u Improvised Explosive Device (IED) wa em Digital Timer wa da murieh ha u Pressure Cooker. Ya uni u IED da tynyap da ka Bomb Squad ka East Garo Hills District Police.
Heiyatoh wa ini i takit dang lai i chaphrang.
Discussion about this post