Ka Montri wa pait ya ki kaam aiñ (Law) ha ka jylla, ka Dr. Mazel Ampareen Lyngdoh da ong ko wa i kaam hawa yatoh wa i pynkrehkaam ya ka Roster System ym toh iwa ye wow rai jhan, wei ki chnat sorkar waphær waphær dang pynkhreh ki wow lum yutip waroh.
Da ong ko wa ka sorkar ka pdiang ko yei e yumut yong ka seiñ Hynniewtrep Youth Council (HYC) hawa yatoh wa ini wa i pynkrehkaam ya ka Roster System, wei da ong chooh chooh wa daw ya syllok leh wa kiwi ki bru chemphang hajrong kani ka phang yow thooh ki laad kammon wow lai chakhmat hawa yatoh wa ka aiñ bhah kaam lane ka Reservation Policy.
Da ong ko leh wa hawa em ki khynroo kiwa da pliah wa kiwa chemphang kiwa e yumut, ka sorkar ka sñiaw ko wa toh u ap, wei kam ka Montri daw rah ko ya itæ i e yumut ha ka rynsan wa yatoh yow chim yei rai, tangwa heijooh i por da ong ko leh wa ym toh u man ka rai kawa daw chim jhan khamtam hawa yatoh wa i kaam wa em hapyrdi i pait yong ka yung bichaar.
Ka Ampareen da kyntu ko ya ki dkhot ka HYC wei kamjooh ya ki paidbah wow man kiwa yaichah neibhah i rai wow chim hajrong i pynkrehkaam ya ka Roster System waka Reservation Policy u man ko hadien wa da ya phyllu yumut sani da kiwa boon, neibhah ka sorkar daw hap ko u pynkhreh ya ka Report.
