Ka Meghalaya High Court da pdiang ko ya ka mukotduma PIL deiwa chong bichaar u Chief Justice, u I.P. Mukerji wa u Justice W. Diengdoh wa yaleh da u Ranjit Chandra Goswami heiyatoh wa i tih moochuni pyrchah ya ka aiñ da ka Amrit Cement Industries Limited wa em ha East Jaiñtia Hills.
Heiyatoh wa ini da kynthuplang ya ka Meghalaya State Pollution Control Board deilang ka North Eastern Finance Corporation hapoh kani ka PIL.
Ya kani ka PIL da yaleh hadien wa paan RTI u S.K. Sharma ha ka 02-03-22 ha ka Guwahati Regional Office ka Indian Bureau of Mined kawa em hapoh ka Ministry of Mines ka sorkar India yow kylli hadooh katwon tylli ki karkhana wa em ha Jaiñtia Hills kiwa em ya ka Mining Lease heiwa da chem wa ka Amrit Cement wym em ko ka License wow tih moochuni.
Kamtæ uwa yaleh mukotduma da ong u wa da tih ya u moochuni pyrchah ya ka aiñ Mines and Minerals (Development & Regulation) Act, ka Meghalaya Minor Mineral Concession Rules wa ka Meghalaya Mineral (Prevention of Illegal Mining, Transportation and Storage) Rules, 2022.
Ka High Court da e por ko ya ka Amrit Cement deilang kiwi kiwa da em hapoh kani ka PIL wow jubab ki chwa wow chong bichaar biang ya kani ka PIL.
Discussion about this post