Kawi ka ktem ki chipai ka Indian Army ha Kakopathar, Tinsukia ha Assam da chah hiar thma ko ynnin i miet ha ki damok kieñ suloi wym tipmit iwa da booh ya ki paidbah hei chong sy’ir.
Kini ki damok da siat ki hadooh le tylli ki Bomb na ka Under Barrel Grenade Launchers (UBGL) ha kani ka ktem.
Katkam i ong ki pulit ka Kakopathar, ini da jia i hei step synyaaw heipor kamwa 12:30 wei i thooh ya kiwa emkti dang lai i chaphrang.
Ka takit katkam wa man da ong wa ki damok da wan ki da ka Truck chwa wow hiar thma ya kani ka ktem heiwa le ngut ki chipai da mynsoo ki.
Katkam wa man hadien ini, ki chipai wa ki pulit da kær kut ki ya ini i thaw wow thooh ya kiwa emkti heiwa da suba wa ka ULFA (Independent) wa ye u leh yeini.
Neiliang ka Indian Army won da khana ko wa ini da jia i hei step synyaaw ka 17 tarik heiwa da em ki damok kieñ suloi wa hiar thma ya ka ktem chipai ha Kakopathar Company wei ki chipai leh da siat kylla ki ya ki thaw wa em kini ki damok.
Discussion about this post