Ka yung krehkaam namo ka Office ka Mukhla Nongrim Village Organisation (VO) da wai paidbah ka ynnin ka 17 tarik da u MLA ka thaaiñ, u Wailadmiki Shylla uwa man leh u Montri sorkar ha ka yalang wa da pynlai da ka President ka VO Mukhla Nongrim, ka Marlang Sumer deiwa emlang u Dr. Heimonmi Niang, BDO Thadlaskeiñ C&RD Block, u Rolling Star Shadap, District Project Mission Manager West Jaiñtia Hills District, u Martu Sari, waheh chnong ka Mukhla Mission, u La-arwanki Ryngkhlem, waheh chnong ka Mukhla Shohshrieh wa kiwi de deilang ki dkhot yong ka VO wa ki 28 tylli ki Self Help Group (SHG).
Ya kani ka yung krehkaam ka VO da chna da ka poisa kawa yoh ki na ka Fete wa pynman ki man-u-snem wei kamjooh leh ryngkat i yarap poisa na u Wailadmiki Shylla.
Ya kani ka Mukhla Nongrim Village Organisation da seiñ ya ka ha ka 08-10-2019, iwa mut wa da dap ko 6 snem pura i lai luti.
Discussion about this post