Neiliang ka Meghalaya Civil Defence wa Home Guards da pyntip chooh chooh ki heiyatoh wa ka Mock Exercise neibynta ka Air Raid Precaution.
Da pynkynmoo wa heipor 6:28 i janmiet daw kieh Siren (Action Warning: Incoming Air Raid) kawa daw neh 2 minit kam wow maham yei pyndur wa wan ki lieñsuiñ hiar thma.
Ha kini ki por da kyntu ya ki paidbah wow psiah ki chapoh yung yow lai rieh.
Heipor 6:30 won daw pyndooh bordiñ wa chipor (Blackout) kawa daw neh ar minit. Ha ini i por da kyntu ya kiwa chong chnong wow tympleh leh ya u Inverter ar minit kamjooh kiwa pynemkaam ya ki Solar Light. Tangwa ym em phah sangeh yei lai i wan ki kari.
Heipor 6:32 daw pynkieh Siren biang iwa daw neh chi minit kam ka dak wa ki lieñsuiñ da lai ki wei ini mut ko wa da kut kani ka Mock Exercise.
Kamtæ da khut yei ya krehlang ki paidbah yow man ini iwa jop wei i chngaaiñ neibynta ka ri.
Discussion about this post