Jowai: U District Sports Officer (DSO) ka West Jaiñtia Hills u H. Shangpliang ynne ka sngi da saam u ya ka khusnaam cha kiwa yalehke wa leh bha ha u snem 2016 ym du ha ka Football da saam leh cha kiwa leh bha ha ka Badminton, Boxing wa kiwi kiwi ki yalehke.
Da pyntip u wa waroh da yoh poisa kiwa yalehke da poi 80 ngut ki wei lada kam ka dhab yalehbol jop ki ya ka Final waroh kiwa yalehke da yoh poisa ki.
Da pyntip u wa kiwa yoh takma ksiar kawi chongdor ko T. 6,000. Ka takma Rupa ka wi chongdor ko T. 4,000. Kiwa yoh takma Tama won chongdor ko T. 2,000.
Ya kani ka poisa da e lyngba ka District Sports Promotion Society hadien wa pyllait poisa u DC warim u Arunkumar Kembhavi neibynta u snem 2016.
Kani leh man ko ka sien wa nyngkong wa da leh kamni wei kani ka scheme da em ko da slem ha waroh ki district ka jylla da pyntip u DSO.
Discussion about this post