Da pynman ya ka ‘We Ring The Bell Campaign’ ha ki skur ha Thadmuthlong

Ka ‘We Ring the Bell Campaign’ wa pynman da ka Jan Vikas Samiti (JVS) chirup waka Bethany Society, Phramer da pynman ya ka hapoh i yahkhmat ka Project Coordinator, ka Risaka Challam heiwa da pynman ya ka ha ki skur kam ka St. Claret Secondary School Pasyih-Phramer, ka INORA Secondary School Thadmuthlong, ka Lum Thadmuthlong LP School wa ar tylli ki Anganwadi Center ha Thadmuthlong A&C, West Jaiñtia Hills District. 

Ka Risaka Challam da batai ko hajrong kani ka Campaign heiwa da khana ko yei emkaam ki khynnah wa duna tymbuiñ wow lai skur. 

Neiliang u Henry Shylla da batai u hajrong ka ‘We Ring the Bell’ wa pynman da ka Liliane Fonds yeiwa da sdang nadooh u 2012 hajrong ka thong wow pynchlur ya ki khynnah wa tymbuiñ wow lai skur wei da yaroh u ya ka Sarva Shiksha Abhiyan (SSA) wa ka Right to Education (RTE) Act.

Chooh chooh ka Risaka da batai ko wa kani ka Campaign toh wow pynchlur u lai skur ki khynnah wa tymbuiñ wei emkaam leh u pteiñ wow lai skur.

Related posts

Du hapoh 8 kynta na Guwahati cha Delhi deiwa mynjur ka sorkar ya ka luti rel ka Bullet Train

November 1, 2026

Phooh phieñ i pynkut lehkmen dap 100 snem ka St. Mary Mazzarello Girls HS School Jowai

November 1, 2026

Ha kani ka Campaign da pynman ya ka Noise-Making Activity deiwa thaap kti wa i choh waje ha jar jiar ki skur wa kamjooh leh ka Rally.

Ya kani ka Campaign kawa chi sngi da pynman ha ka 28 tarik u Naiynñiaw.