Da sñiaw ya i sur ki paidbah ka thaaiñ mihsngi ynne ka sngi: Conrad Sangma

Jowai: U montri rangbah ka jylla u Conrad K Sangma uwa em ha Delhi deilang wa kiwi seiñ saiñ pyrthai wow pyrchah ya ka Citizenship (Amendment) Bill 2019 kawa thmu wow wanrah ha ka Rajya Sabha ynne ka sngi da pynsñiaw u yei kmen hadien wa ym em ye u pynman aiñ ya kani ka Bill wei da yooluti u wa ym pynkhai im biang de ya kani ka Bill.

Hawa yaklam wa kiwa thoh khubor kam uwi wa yahkhmat wow pyrchah ya ka CAB da ong u wa da sñiaw yei sur pyrchah wa mih naka thaaiñ mihsngi wei ynne ka sngi man ko ka wow sah kynmoo.

U Conrad da e khublei u leh ya waroh ki seiñ kiwa da embynta wow pychah ya kani ka Bill. Da e khublei u leh ya waroh ki seiñ saiñ hima kiwa da ya ksohkti lang yow pyntikna wa kani ka Bill u rem ko khamtam ya ka the Asom Gana Parishad, kawa sdang ya kani ka yakhih hapoh ki seiñ saiñ pyrthai waphær waphær.

Heiyatoh won wa i krehlang waka sorkar NDA, u Sangma da ong u wa kattæ ym pu toh i por wow pynbna weiyi u yalok wei yi u dam noh wei daw pyntip ya ini ha i por wa biang. “Iwa emkaam kattæ toh wa kani ka Bill ym em man aiñ ko,” da ong chooh chooh u.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

“Man i wa pynlung mynsien ya nga wow yoo yei ya tylli ki paidbah ka thaaiñ mihsngi wei da chi sur as da pysñiaw ki cha ka ri waroh kawi.” Da ong u Conrad.

U Conrad Sangma da yoh yaroh oo kam u “Northest Hero” hei yaleh u wow pyntikna wa daw yap ka CAB.