Ka Mewarica Pariat kawa lai skur ha North Liberty Higher Secondary School Jowai, kawa yoh 10th Position ha ka Result HSSLC 2026 Arts Stream wa pynbna da ka MBOSE ynne ka sngi, khana ko wa ka da yooluti hi ko u yoh ya kani ka kyrdan neibhah wa da kreh chitom bha hi ko leh.
Hajrong ini i naam ong ko hawa chaniah ha u Blai waroh man iwa jop wei ini i jop ko toh i kyrkhu yong oo.
Hawa e khublei ya waroh kiwa embynta u e mynsien, da e khublei kyrpang ko leh khamtam ya kiwa sikai wa ym du wa e sikai ki ha ki Subject tangwa pynyoo luti haroh ki kammon u man bru yaichah, u pteiñ i kreh chitom yow poi thong.
Heiyatoh wa ka Arts Stream ong ko ymtoh ka Stream wa jem, wei hanla boon ki bru jooh pyrkhat ki ymtoh ware ka Subject wa miat u jied puræ, tangwa ha ka hi sñiawthooh ko wa i jied ko ya ka Arts Stream toh iwa biang tam ya ka, wei kmen ko leh wow puræ ya kani ka line.
Neini chakhmat em ko ka thong u puræ LLB wei u yakhun ko leh ya ki Civil Service Exam, kamtæ yooluti ko wa u Blai leh u emlang u wa ka yow yoh ko yeiwa mut wa mang.
Discussion about this post