Ka Hakiru Challam kawa puræ ha North Liberty Higher Secondary School Jowai kawa yoh hei kyrdan 8th Position yong ka thup Top-10 ka Result HSSLC 2026 (Science Stream) wa pynbna da ka MBOSE ynne ka sngi, hawa klam ko wa kiwa thoh khubor, khana ko wa mar ya tip ya ka Result ym tipsap de ko neibhah ym em ware yooluti ko, heitæ wot i por yaam wei lai kdung ko ya ka bei u pa ko.
Heiyatoh wa ini i naam i burom, nyngkong hi e ngooh ko ya u Blai wa toh lyngba i chaniah wa i ngait yong ka ha oo tæ poi ko cha kani ka thong.
Neitæ da sñiawngooh ko leh ya kiwa sikai, u Principal, ki paralok wa waroh kiwa da e i kyrchaan ya ka.
“Ym em yooluti ware O neibhah ka Pattern ha uni u snem rap phæ kor, lym bakla ha u bnai November yoh yutip wa toh da ka CBSE pattern, katwa i da pynkhreh chwa i da ka MBOSE Pattern. Da sñiaw dooh mynsiem bha tangwa katwa yaleh bait O u kreh chitom tæ heiwa kut hi mih soh i kreh chitom,” da ong ka Hakiru Challam.
Khana haroh ko wa nachwa ym jooh em ware jan ko cha kiwa sikai, tangwa manda poi ko ha kani ka skur katwa kiwa sikai jan lut ki cha waroh ki khynnah tæ wan i sñiaw jooh wei jan ko cha ki, wei wot hadooh i rukom khreh kot leh da tipsap bha ko.
Heiyatoh wa ka thong wa chaphrang ong ko wa daw yakhun NEET chwa ko, deiwa yooluti leh u yoh laad puræ ha ki College wa rap biang.
Hawa pynkut yei klam kyntu ko wow chaniah ya idæ, wei kat iwa leh hei im toh u ngait wa emlang bait u Blai chirup, najrong wow chaniah yei lai luti.
Heijooh i por u kreh chitom wei ngait leh wa waroh u man iwa biang khnang yow poi cha ka thong wa mut wa mang.
Discussion about this post