U Lamphang ka yung dorbar chna-aiñ ka jylla, u Metbah Lyngdoh ynne ka sngi da ong u wa daw hap puræ bniah bha u ya ka ujor wa da ekti ki heh ka Congress pyrchah ya ki 12 ngut ki MLA kiwa da mih na ka Congress wow psiah cha ka All India Trinamool Congress.
Hawa yaklam wa kiwa pathai khubor, u Lamphang da ong u wa ki MLA ka Congress da batai bniah bha ki hajrong i dawa pyndooh man MLA ya ki 12 ngut neibhah wa da tyngkheiñ ki ya ka aiñ yut seiñ katkam ka Tenth Schedule ka riti synchaar ka ri.
Heiyatoh wa ka chithi wa da ekti da ki 12 ngut ki MLA wow pyntip wa da lai psiah ki cha ka Trinamool Congress, u Metbah da ong u wa daw chim sa kattu katni por neibhah ympu yoh u wow e i bichaar wa bniah.
