Daw kyntu ya ka NGT wa CIL wow pyndep noh u lilam ya u mooyong: Dr. Mukul

Ynne ka sngi, uwa yahkhmat ka liang pyrchah ka Meghalaya Legislative Assembly u Dr. Mukul Sangma deiwa synran lang ki MLA ka Congress u David Nongrm wa u M. Rapsang hadien wa wan pait u ya i thaw booh mooyong ha Khliehrangnah, Shangpung, West Jaiñtia Hills da lai won ki sa cha East Jaiñtia Hills heipor janmiet wow pait ya ki thaw wa booh ya u mooyong hapoh kani District.

Ha East Jaiñtia da lai nyngkong chwa ha Umtyra wa ha Byndihati (ha luti wow lai cha Kairang).

Neiliang u Dr. Mukul da ong u wa ini man i i kaam wa sñiawkhia neibhah uni u mooyong ya uwa da kem man u leh uwa khlem tre wei emkaam wow lilam noh ya oo.

Da pynkynmoo u leh ya ka hukum ka yung bichaar Supreme Court ha ka 3 Naiynñiaw 2019 chirup wa kiwi ki hukum wa toh wow lilam noh ya u mooyong uwa em 32 Lak MT wei yeini toh u leh da ka Coal India Limited (CIL) hei pynlai ka Committee ka NGT.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Chooh chooh da ong u wa i daw wa slem wow lilam ya u mooyong toh wow chah donhi ya ki kaam tooh wa man pyrchah aiñ.

Da ong u wa da toh wow pynwiar noh yei emkti wow chalan tooh ya u mooyong.

U Dr. Mukul da ban joor u leh wa hadien wa da lilam ya u mooyong wei da pynmih ya ka hukum wow kit ya uwa dadep lilam toh u pyndep noh wut-wut.

Heijooh i por da ong u wa daw kyntu leh ya ka NGT wa ka CIL wow pynsmat yeini i kaam (lilam ya u mooyong) deiwa pynrap leh wow burom ya ka hukum ka Supreme Court.