15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Daw pynkylla noh ka sorkar ya ki kyndon ka aiñ MRSSA

0 Comments

Shillong: Ka sorkar jylla daw pynkylla ko ya ka Meghalaya Residents Safety and Security Amendment Act (MRSSA), 2016 ha ka dorbar mang tyngka ka sorkar ka wa daw wan wei ya ini da pyntip u montri ka sorkar jylla, u James Sangma ynne ka sngi.

U James da ong u wa ha ka Preamble yong ka MRSSA, i kyntien ‘Tenants’ wa mih hapyrdi ki kyndtien “regulate the” wa “residing” u wanrah salan noh da ki kyntien wa ong “entry of persons to Meghalaya and also to regulate the tenants or any other persons” wa ki kyntien “or any other places” u pynemkaam noh da i kyntien “houses” wa “in the state”.

Da pyntip u leh wa daw pynkylla leh ya ka Section 2 yong kani ka aiñ.

Chooh chooh da ong u wa ha ka Clause 1 yong ka Section 2 yong ka aiñ u wanrah noh da ki kyntien “relatives or members of family” heiwa i kyntien u kynthup i ya u kurim, ka kurim, u pa, ka bei, ki khon payu, u who, beipun, ksu, khon nah, khon kam ki payu ka bei wow pa.

I pynkylla ha ka Section 3, toh ki kyntien “or any other places”, heiwa daw pynemkaam noh da i kyntien “houses” wa “in the state”.

Kawi won ka bynta toh ka Section 4 (a) ya kawa daw booh hadien ka Sub Section 2 of 4 wa ong “persons to furnish information”.

Da pyntip u leh wa da chim leh ya ka yumut wa tyrwa da u lat ka jylla hajrong ini i pynkylla ya kani ka aiñ deiwa kyntait leh u khana ya kini ki yumut wa da tyrwa da u lat.

Kam wow pynkynmoo heini u lat ka jylla, u Tatagatha Roy da kdaw u ya ki bynta wa eh wow pynkrehkaam ya kani ka aiñ MRSSA wei da ong u leh wa kani ka aiñ daw yatakhooh ko wa kiwi ki aiñ ka sorkar pyrdi.

Chooh chooh ha u Khonchonglad 2019 ka sorkar jylla da wanrah ko ya ka Ordinance hajrong ka MRSSA, 2019, tangwa da chah pynuiñ noh ko ha u lat neidaw wa em ko i duna.

Previous
Next

0 Comments

Leave a Reply