theme-sticky-logo-alt
theme-logo-alt
Advertisement ad1
Advertisement ad1

Daw pynman ka ELSA ya ka Elaka Lakadong Knockout Football Tournament

Advertisement ad1
Advertisement ad1

Ka Elaka Lakadong Sports Association (ELSA), East Jaiñtia Hills District ha ka yalang yong ka Sports Executive Committee (SEC) kawa da man ha ka 19 tarik uni u bnai ha chnong Lakadong Umlatdoh (Community Hall) da rai ko wow pynman ya ka lympung yalehke kawa tip kam ka “Elaka Lakadong Knockout Football Tournament 2021-22” ka wow sdang ha u Kmaichonglad (Dec) 2021 kam chimbynta wow kyntu kynrong yei sap yong ki khynroo hapoh ka Elaka khamtam wow em i sñiawjan para ki kamjooh i ya maya iwi yei iwi.

Ya kani ka lympung yalehke ka ELSA da rai ko wow chah du 16 dhab (Team/Club) donhi heiwa ki dhab u man ar tylli na kawi ka chnong (kawi ka Club na ka chnong wei kawi won ka Team ka chnong) wei kini ki chnong toh kiwa em hapoh yong ka Elaka Lakadong.

Advertisement ad1

Ka ELSA da rai ko leh wow chah ya ki dhab wow wanrah ya kiwa yalehke na baar yong ka Elaka du soo ngut donhi kawi ka dhab wei yeini da leh kam chibynta wow wanrah ya i bood ryntih ya i rukom yalehke (Standard) wei wow pynchlur ya ki khon yong ka Elaka.

Kamtæ da khut ya waroh ki chnong hapoh ka Elaka wow ya chimbynta ki ha kani ka lympung yalehke heiwa ya ka bai psiah (Enter Fee) neibynta kawi ka dhab u man ko du T. 2000 wei ka tarik khaddooh wow pynpoi ya ka bai psiah toh ha ka 02-12-2021.

Chooh chooh ya ka dhab wa jop ya kani ka lympung u yoh ko ya ka song poisa wa T. 30,000 katwa T. 20,000 u yoh kawa rem ha ka Final chirup wa ki Trophy.

Ya kani ka lympung daw wai ha Lakadong Umlatdoh wei ki yalehke wa bood won daw pynman cha kiwi tawon ki thaw næ chnong ya kiwa daw pyntip won hadien.

Share this:
Previous

Kamwa man ka chaap, ka NPP ngait skem ko wow pynkhlan ya i puræ puthi: Conrad

Next

Men’s U-25 State A Trophy: Rem ka Meghalaya ha ka Assam