theme-sticky-logo-alt
theme-logo-alt
Advertisement ad1
Advertisement ad1

Kamwa man ka chaap, ka NPP ngait skem ko wow pynkhlan ya i puræ puthi: Conrad

Advertisement ad1
Advertisement ad1

U Montri Rangbah ka jylla uwa man leh u National President ka NPP, u Conrad K Sangma ynne da pteiñ u wow lai yalap Election ha ki yalang paidbah wa pynman kam chibynta yong ka Assembly Election wow man ha Manipur ha u 2022.

Ha kini ki yalang u Conrad da khana u ya ki thong krehkaam ka Party heiwa da ban joor u wa ka Party kreh ko neibynta i puræ puthi wa ki khynroo khyllood ka thaaiñ mihsngi. 

Advertisement ad1

Da ong u wa ka NPP da kheiñkor bha ko ya ki paidbah wa ki jaitbru ri-loom ka thaaiñ mihsngi heiwa da ban joor u leh wa ka Party man ko kawa yaleh wow pynkupbor ya ki khynroo khyllood ka thaaiñ. 

U Conrad da ong u wa ka chap ka NPP toh ka kot, iwa pynyoo wa ka seiñ ngait skem ko wa i puræ puthi wa i stat i tip wei man i iwa kongsan tam neibynta ki khynroo khyllood. 

Hajrong ini da ong u wa da emkaam leh wow pynmiat pynbha ya ki kaam wow pynwandur ya i rukom im ki khynroo khyllood liang wanang iwa kynthup leh ki Sport wei kamjooh wow pynchlur ya ki wow seiñ khih seiñ kreh ki. 

Ha kani ka sngi u Conrad da lai yalap u ha Langthabal AC wow paan kyrchaan ya u kyrtong ka NPP, u Karam Nabakishor Singh.

Share this:
Previous

Ym yohlaad kiwa kitkaam ka Hima Nongspung wow klam wot ha kawi wot leh ka yalang pynbait pood

Next

Daw pynman ka ELSA ya ka Elaka Lakadong Knockout Football Tournament