U heh ka BJP uwa man leh u MLC ka Bihar wa u Convener ka Budget Publicity Campaign ha ka thaaiñ chaneiñ mihsngi ka ri, u Devesh Kumar, da ong u wa man iwa emkaam wow yoh yei kyrchaan ki tre chnong yow wanrah ya ka luti rel ha ki le tylli ki jylla ka thaaiñ wa kynthup ha Meghalaya.
Hawa pynsñiaw yei myntoi na ka luti rel wa dang pynyabi ya ka Mizoram, u Kumar da ong u wa u Montri Rangbahdooh ka ri kwah u wa kawi pa kawi ka jylla u pynyabi noh da ka luti rel, wei da pynrap u wa ya ini ye u leh dei yarap ki tre chnong.
Da ong u wa sah sadu le tylli ki jylla ha ka thaaiñ North East ki wympu em luti rel wei ka sorkar kwah ko wow pynpoi ya ka luti rel deiwa krehlang ki tre chnong.
Kawa e ktien ka BJP, ka Shazia Ilmi da pynsñiaw ko yeini i jooh i sñiaw deiwa ong wa ki kaam da sdang ki, heiwa daw pyntikna wow yarap wei wow krehlang neibhah daw man i kmen sakhiat lada waroh ki jylla wow pynyabi lyngba ki luti rel.
Discussion about this post