Uwa e ktien ka BJP Meghalaya, u M. Kharkrang ynne da ong u wa ka Party dang yang ko ya ka Judicial Inquiry Commission wow takit yei yap ki palat 30 ngut ha i krem mooyong ha Mynsngat, Thangskoo, East Jaiñtia Hills District.
Da ong u wa ka sorkar da kubur ko yeiwa jia wei emkaam u yang wow pyndep ya i takit heiwa da Register ya ka Case wei da kem leh ya ki bru wa emkti hajrong ini.
U Kharkrang da khana u leh wa mar ya jia ini, u Prime Minister wa u Home Minister da yaklam ki wa u Chief Minister wow tip che yeiwa jia heiwa da phah leh ya ka poisa yarap.
Heiyatoh wa i dawa hiar chuki noh u Chief Minister kam u Montri wa pait ya ka Mining, u Kharkrang da ong u wa ymye wow dawa hiar chuki ya u Chief Minister hajrong iwon iwon iwa jia, deiwa pynrap wa da leh ka sorkar yeiwa emkaam wei ini toh iwa emkaam bar wow hiar chuki.
Discussion about this post