Ka Evergreen Mukhla Mission da jop ko ya ka Moodymmai SC da 11 Run ha ka yalehke ynne ka sngi kam chibynta yong ka District Cricket League 2025 wa pynlai da ka West Jaiñtia Hills District Cricket Association.
Ya ka kylla-khlem da jop da ka Moodymmai kawa da jied wow kawang bol nyngkong. Kamtæ ka Evergreen da kamai ko 130 Run na ki 20 Over deiwa dooh 9 Wicket. U Shoristar Suna da kamai u 58 Run na ki 51 bol deilang wa kawi ka 6 Run wa 7 tylli ki 4 Run. U Bichar Lamare uwa kawang bol ka Moodymmai da yoh u pynhaap u 4 Wicket na ki 4 Over, u Rijest Lytan won da yoh u 3 Wicket na ki 3 Over.
Neidaw wa em i pynthut u slap, ya ka thong da hap u pynduna cha ka 116 Runs na ki 17.2 Over deiwa pynemkam da ka DLS Method. Kamtæ ka Moodymmai da ye ko wow pynjop deiwa yoh 104/8 na ki 17.2 Over. U Levestar Phawa da kamai u 32 Run na ki 24 bol deilang kawi ka 6 Run wa 4 tylli ki 4 Run, u Pyndap Lamin won da yoh u 17 Run na ki 13 bol deilang 4 tylli ki 4 Run. U Kamkini Sari, uwa kawang bol yong ka Evergreen Mukhla Mission da yoh u pynhaap 3 Wicket na ki 4 Over wei da yoh u leh yei naam Man of the Match.
Ka yalehke mynstep u man ko hapyrdi ka Mupliang SC pyrchah Yaka North East AU (ATS) heipor 8:30 i step.
Ya ka Digital Live Score yong kani ka League ye phi u pait ha https://cricheroes.com/tournament/1406553/wjhdca-district-cricket-league-2025
Discussion about this post