Dooh light ka PHC wa sah ram hadooh T. 10 Lak ka MeECL Khliehriat ha ka Health Dept.

Khliehriat : Ka Seiñ Southern Border Youth Welfare Association (SBYWA), East Jaiñtia Hills hadieñ wa da yoh ujor ko na ki paidbah yong ka thaiñ heiwa yatoh wei dooh light ha Bataw PHC la kamwa 3-4 bnai neiliang ka seiñ SBYWA hei yah khmat u Namphrangi L. Talang Genl. Secretary wa u Niyo Biam Asst Genl. Secretary yong ka seiñ da lai ya chem ki markhmat wa u EE MeEPDCL Khliehriat ha ka 20 tarik uni u bnai neibynta u yoh yei che heiwa yatoh wym em kylliang kani ka tnat ya u Transformer (Power Supply) wa em ha Bataw PHC wa da sih.

Neiliang u Namphrangmi L. Talang da ong u ha ka sngi wa lai yachem wa u waheh M. Patlong u EE MePDCL da ong u lada ka sorkar lyngba ka tnat ka koit ka khiah ym su ko ya ka Bill kawa T. 10,35,579 yong ka tæ ym ye de u e light ha Bataw PHC neibhah ka sorkar leh ym em chimkhia ko u su ya ka Bill da batai u waheh ka tnat MECL ha ki wa yahkhmat yong ka seiñ SBYWA

Chooh chooh u khynroo Talang da pteiñ u deiwa ong “Lada tang ya ka Bill light yong ka MECL ym ye ka tnat Health u su, tæ cheiwon u poi ma-ai itæ i thmu ka sorkar wow chimkhia yei eh i khoo ki paidbah hei yatoh wa ka chitom saja hawa tang ya ka bill leh ym ye ki su tikna? da kylli ka seiñ.

“Ka sorkar sakhiat da iehbeiñ ko ya i ym toh du ha kani bynta (PHC) wa ya kiwi de kam ki luti synkieñ, ki thaw wa e sumaar, u sarok, ki skur wa kiwi kiwi neibhah tang kawi ka Govt. Secondary School ympu em i hadooh katni cha kani ka thaiñ Southern Border Area, Elaka Rymbai wa ka Lakadong” da ong u N. Biam u Asst General Secretary ka seiñ.

Related posts

La du Rs. 1 chi churia yoh ka JHADC na ki Cement Factory da ye u su tulop kiwa kreh: Daiapherbha Lamare

December 26, 2024

Kwah u George wow psiah biang cha ka Congress yow yakhun MDC

December 23, 2024

Kamtæ ka seiñ ka booh wei kyntu joor ko ya ka tnat Health khamtam ya ka ophis DMHO Khliehriat, ka Ophis SDO (HEW), Jowai wa ya kiwa mihkhmat yong ka thaiñ kamwa da e ya ka Dorkhat wow chimkhia ki wow yaklam wa ka Sorkar khnang wow myntoi ki paidbah liang wanang.

Neiliang u Asst. Executive Engineer Khliehriat Sub-Division ka MePDCL Khliehriat ynne ka sngi da phah chithi u cha u SDO Health Engineering Wing, West Jaiñtia Hills heiwa da ong u yow ye u kylliang thymme ya u Transformer wa em ha Bataw PHC emkaam u su ki kammon la kammon 30% na waroh ka bill light wa poi hadooh T. 10,35,579.

Read Also:  Palat T. 47 Klur sah ka bai light ki tnat sorkar wa ym pu em su cha ka MePDCL