Ka Jaiñtia National Council (JNC) Khliehriat Circle lyngba ka kyrwoh wa da phah da u President, u Shanborlang Bamon wa u General Secretary, u Symboh Baiar Sumer da e khublei Christmas wasuk wakmen ko ya waroh ki paidbah yong ka East Jaintia Hills District, “E wa kani ka lehkmen Christmas u wanrah ko yei suk i kmen, i chait i nang, i bha i miat wa ka chongsuk, chongsaiñ ha ka District wa ha ka jylla hi waroh kawi.
“I lehkmen Christmas toh kawa ki para wa ngait Christan da kynmoo warom i deiwa sñiawngooh yei wan manbru u Jisu Khrist uwa pynim ya ka pyrthai, da pynkynmoo ko leh wa i wan longbru u Jisu ha ka luti wa sñiaw khian heiwa da kha ya u khonboo Jisu ha ka trep kule ha Bethlehem Judia wa kani toh kawa pynyoo yei sñiawkhian.”
Neiliang ka seiñ JNC Khliehriat Circle da kyntu ko ya ki paidbah wa boonsien u man i kiwa dap dei mynsien wa maya wa krehlang, ka mynsien tylli, ka mynsien u man kawi wei wow ya burom kylliang iwi ya iwi kamjooh leh u lehkmen ya ka Christmas deiwa ya tipbru, tipblai wei u pynyoo leh cha ka pyrthai yei rukom man Christan wa sakhiat kam ki khon u Blai kiwa da kyrkhu.
I wan long bru u khon Jisu cha kani ka pyrthai toh i kyrkhu kawa khroo wa hadooh kattæ kattæ ya waroh ki para wa ngait Christan “E wa ka Christmas u man ko kawa dap dei kmen, dei suk, i kyrkhu ha ki yung ki sem ki yong i”.
“Chrismas wasuk, wakmen ya phi waroh,” pynkut ka kyrwoh na ka Jaiñtia National Council Khliehriat Circle.
Discussion about this post