Ka sorkar Meghalaya da pynyang ko da ki kyndon aiñ pyrchah ya ki bru kiwa da pynbaad wei pyndooh burom wei kiwa pyrchang wow wanrah yei yasih yachoon jaitbru hadien i chah pynyap u Raja Raghuvanshi ha Sohra wei i wiar ka kurim u ka Sonam Raghuvanshi nadooh ka 23 tarik u Naisan.
Hadien wa da mih pyrthai iwa jia sakhiat ya u Raja, neiliang u Superintendent of Police ka East Khasi Hills, u Vivek Syiem da pyntip u wa ki pulit da chim ki dei kaam ya ki kattu katni ngut ki bru kiwa klam pyrchah ya ka jylla deiwa pynmih ya ki kyntien wa pynyaphær jaitbru.
Da khana u wa neiliang ki pulit da yoh ki ya ka ujor na kiwa chong chnong ka kylla kiwa lai puræ wa kiwa kreh cha baar neidaw wym chngaaiñ deiwa chah pynbaad wei chah maham ki.
Kamtæ ki pulit ka jylla da ujor ki da ka Suo Moto Case pyrchah ya kitæ ki bru wei da ujor leh da ka FIR ya kitu kiwa klam stat wei kiwa yahbakla.
Discussion about this post