Ka All Meghalaya Pharmacist Association (AMPA) da e dorkhat ko ha u Chief Minister ynne wow chimkhia wut-wut yei tlot i krehkaam ki Pharmacy hapoh ka jylla.
Ha ka dorkhat ka seiñ da ong ko wym biang ki kyndon Service Rules wa i wym pynrkhiñ yei pynkrehkaam ya ka Indian Public Health Standards (IPHS) da pyntlot yei rukom sumaar bru ha jylla.
Kawi na ki mat wa da kdaw toh i e wai pyrchah aiñ ya ka License ka Pharmacy khlem da em de ki tre ka License hapoh ka dukan dai dawai wei deiwa leh kamni da booh ko hei maa yei chait i khiah ki paidbah.
Ka seiñ da ong ko wa neidaw wym em i kynreh i sylli namo ka Inspection booh i hei maa ya ki paidbah.
Kamtæ ka seiñ da dawa ko wa emkaam wow em ka Directorate for Pharmacy wow pynlai bait yeini i kaam khnang wow ye u khoom u kdoh ya kiwa leh pyrchah.
Discussion about this post