U President ka Voice of the People Party (VPP), u Ardent M Basaiawmoit hawa klam ha ka yalang pynche paidbah wa da pynman ha Iawmusiang, Jowai ynne ka sngi, da ong u wa ha kani ka Election chiteiñ samoi neibynta ka MP daw tam rap boon ya iwa da tam ha u snem 2024 wei kani toh ka thong ka Party.
Da ong u wa ha u 2024 da em ki du 4 ngut ki MLA hawa lai cha ka Election tangwa kattæ da em ka naam u MP warim deilang ki 26 ngut ki MDC wei kattæ ym em de wa nood wow ong wym jop neibhah du ha Jaiñtia Hills em 8 ngut ki MDC hadooh wym wai ka dorbar ka JHADC du hapoh 15 minit.
Ha u snem 2028 won ong u ka thong toh wow jop 32 na ka 36 ymtoh na ka 60. Tangwa ini ym mut wow ah noh ya ka Garo Hills tangwa daw jop leh na ka Garo Hills.
Wei i jop toh yow synchaar ki khynroo, ki manbei kiwa em yei kitkhlieh wa ki kattu katni ki manpa neibhah boon ki manpa toh kiwa khian mynsien neibhah boon ki por kiwa pyndooh mynsien toh ki rangbah.
Da ong u wa lada yoh 32 da biang wow synchaar tangwa lada u Blai e u 34-35 u e ngooh ya u Blai yow e ya ka synchaar kawa khooid nadooh ki thung kreh deiwa pyndam noh ya ki dkhot ka DSC wa MPSC kiwa man ki bru wa em hei synchaar hapoh ka jylla. Neibhah i daw wa pynslem yei yaleh kreh wot hadien wa da khut Advertisment toh neidaw wym pu em da ki bru yong ki wa thap kreh.
Discussion about this post