Ka Mysuru City Corporation ha ka tayaaw wa dep da pyndait ko da ki Stainless Steel Reflective Panel yow yakhun pyrchah yei jung ki bru ha rood i sarok wa em hajan ka Central Bus Stand wa jrong kamwa 80 meter heiwa da pyndait leh wa ki LED Light yow lait ki bru wow jung heipor miet.
Tangwa da poor iwi i Video wa em wa riñdur ya uwi u bru uwa lai jung hajan kani ka thaw wa da pyndait da kini ki kynja yit.
Ha ini i Video da yoo leh yeiwa em sa uwi u bru uwa lai taan ya uni u bru deiwa mai oo yeini wa jung u.
I pyrchang wow khang ya ki bru wow jung ha rood sarok da leh da kiwa boon ki jait buit ha India nadooh wow booh da ki dur blai hadooh ki kyntien wa toh ha ki kot ñiam.
Yow pyndait ya kini ki Reflective Panel, neiliang ka Mysuru City Corporation da pynlut ko Rs 9.5 lak heiwa da yoh ko yei yaroh na kiwa boon.
Tangwa deiwa dang em hi wa wan jung hajan kani ka thaw da mih i yukylli wa lada krehkaam ini waroh kat wym pu ye u pynbiang ki paikhana wow pynemkaam ki paidbah kamjooh wow pynkylla yei rukom pyrkhat.
Discussion about this post