Ka Meghalaya Cricket Association da kmen ko wow yoo ya ka Result ka Higher Secondary School Leaving Certificate Exam 2025 wa da pynbna da ka Meghalaya Board of School Education ynnin ka sngi, heiwa u Captain ka U-19 Men’s Team, u Dipankar Barua da yoh u hei 3rd Position ha ka Commerce Stream.
U Dipankar toh uwa lai skur ha Laban Bengalee Boys’ Higher Secondary School, Shillong wei da yoh u 468 Mark deilang wa Distinction ha ki 6 tylli ki Subject.
Neiliang u President ka MCA, u Nababrata Bhattacharjee da e khublei u ya u Dipankar uwa man leh kam u Wicketkeeper wa Batsman ka Meghalaya yei lehbha u ha ka puræ puthi.
“Nga da yoo O ya u Dipankar wa yaleh Cricket u nadooh dang khian wei da yoo leh wa man u uwa stat hei puræ puthi wei deiwa kreh chitom u da ye u wow toor chakhmat,” da ong u Bhattacharjee.
U Dipankar toh uwa da mihkhmat nyngkong ya ka jylla ha ka U-16 chwa wow poi u cha ka U-19 heiwa da man u kam kam u Captain ha ka samoi 2024-25.
U Bhattacharjee da ong u wa iwa ye u Dipankar wow leh pynyoo ko wa deiwa pynemkaam bha yei por ye wow lehbha ha ka puræ puthi kamjooh ki kaam yalehke, wei da e khublei u ya oo yow yoh u ya ka mynried kawa bha.
Discussion about this post