September 7, 2022
U Montri Rangbah ka jylla, u Conrad K Sangma da ong u wa i Charge Sheet yong ka National Investigation Agency (NIA) pyrchah ya ki 4 ngut kiwa yahkhmat ka seiñ Hynniewtrep National Liberation Council (HNLC) ym ktah ko yei klam yasuk wa katai ka seiñ iwa da sdang lai katni.
Da ong wa ka NIA toh ka kynhun takit wa laitlooid, wei ym thut i yaklam yasuk neibhah wa ka sorkar India leh ka embynta ko ha ini i yaklam wei ki tip ki rap bha kammon wa toh u lai. Da ong u wa neiliang ka sorkar jylla daw pyntikna wa i klam yasuk wa ka HNLC ym chah pynthut nei takit yong ka NIA.
Hawa kylli, u Conrad da ong u wa i yaklam yasuk kawa kamtu (Unofficial Level) da lai ha kiwi ki rukom wow wanrah yei chaniah wa kiwi de ki kaam hachwa wow sdang i yaklam wa pura ryngkat ki kot ki sla.
Da pynsñiaw u yei kyrmen wa ka yaklam yasuk da ki le liang daw sdang noh ym slem de hadien wa da dep waroh i pynkhreh.
Puræ leh: Charge Sheet ka NIA ya soo ngut ki dkhot ka HNLC
