I ieh ka Sonam ya u Mangalsutra hapoh Suitcase da man ka dak wa nyngkong wow suba ki pulit ya ka

I ieh ka Sonam Raghuvanshi ya u kpieñ Mangalsutra deilang kawi ka sahkti hapoh ka Suitcase ha kawi ka Homestay wa em ha Saitsohpen, Sohra da man ki sabut wa nyngkong ya ki pulit wow suba wa emkti ko wow pynyap ya u kurim ko u Raja Raghuvanshi.

Kam wow pynkynmoo wa ha ka 22 tarik u Naisan, kini ki chi kurim da ieh ki ya ki tiar ki tar (Luggage) ki ha Manha Homestay neidaw wym yoh thaw sah ki wei da khana ki leh yei pyrtuid wei Phone Number ki ha kiwa pynlai ya kani ka thaw sah.

Hadien wa wai ya kani ka Suitcase neidaw wa da tip wa wiar kini ki chi kurim ha itu i por, da chem ya uni u Mangalsutra wei katkam wa ngiat ki Hindu, ka kynthai wa dang dep bia ym ieh ko ya uni u kpieñ chadien, kamtæ da suba wa ka Sonam da emkti ko heini i kaam.

U Mangalsutra man u leh kam i dak wa pynyoo yei yakdoh hapyrdi ka kurim wa u kurim wei man u leh uwa kyntang uwa da deiñ bait khamtam ya kitu kiwa dang dep bia.

Related posts

Hap hiar syndet ka lieñsuiñ ka Air India ha Phuket

June 13, 2025

Mih i dur ki chi kurim wa 3 ngut ki khon wa em hapoh ka lieñsuiñ Air India kiwa dang mut wow lai sah noh ha London

June 13, 2025

Da wan ki leh cha Sohra khlem da Book thaw sah chwa wei da ieh ki ya kini ki tiar neidaw wa daw chitom u kit u bah ya kini ki tiar wow lai cha Nongriat yow lai pait ya ki yingkieñ dieñ jri.

Kiwa ha-yung ha-sem u Raja da ong ki leh wa kamwa tip ki toh u lai donhi ki cha Assam yow lai cha ka Kamakhya Temple yow yoh yei kyrkhu kam kiwa dang dep bia yow yoh khon yoh kti tangwa ki leh da phylla ki hadien wa tip wa da lai ki cha Sohra.