U Lahkmen Rymbui uwa man u dkhot ka Regional Committee wow pynbait ya ki khappood wa ka jylla Assam, da ong u wa i rai wa da chim neibynta wow pynbait noh ya u pood u ang ymtoh iwa da chim deiwa chong donhi ha Secretariat, wei da pyndep ya i kaam katkam wa toh u leh.
U Rymbui uwa man leh u Montri ha ka sorkar MDA da ong u wa ha iwon iwon i bynta, ka saiñpyrthai daw yoh bait ko u psiah lada leh yeiwa toh næ iwon iwon hi-ai leh.
Da ong u wa waroh chi kattu u pood u ang toh iwa sahteiñ, tangwa ha kani ka sorkar da pyrchang katwa ye wow pynbait yeiwa eh.
Hawa kylli, da ong u wa ymye wow ong hadooh katwon daw ktah ko heipor wa lai biang cha ki paidbah ha ka Election, neibhah ka sorkar hawa chim ko ya ka rai da chim bait neibynta i bha i miat kiwa boon walang, ym neibynta wow yohnong kiwon kiwon.
Heiyatoh wa i lai booh ya ki Police Outpost, u Rymbui uwa pait leh ya ka chnat ki kaam pohyung da ong u wa ka chnat da lai ko chaphrang chakhmat wow leh yeiwa emkaam neibynta wow yada wei chngaaiñ kiwa chong chnong ka jylla ha ki thaaiñ khappod.
