U CEM ka JHADC, u Thombor Shiwat hawa yaklam wa kiwa pathai khubor ynnin ka sngi hawa wan hiar u deilang wa ki dkhot ka Executive Committee ka Council, da ong u wa ka Assam barabor iwon iwon iwa leh ko ha ki thaw Block-I wa Block-II da lehbor bait ko wei da kyntoor pood bait ko hajrong wa tip ko ya u pood, wei ini ymtip iyi i thmu yong ka cha lyndet.
Da ong u leh wa lada lehbor ka Assam, tangwa ka Council ym leh ko dei bor tangwa u yieñ skem ko hajrong ki yurim wa ki kot ki sla wa da em chwa.
Heiyatoh wa ka Khanduli lada emkaam daw lai pait ya ki neibhah wa boon ki thaw ka Council wa chaphrang ka Khanduli heiwa da thung slacha, dieñ wa kiwi kiwi wei ya kini ki kot ki sla leh da thoh cha ka sorkar jylla wow pynskem ya u pood.
