Ka NPP wa ka BJP toh kawi donhi ka seiñ: VH Pala

Jowai: U Conrad Sangma da ong u wa ya ka chuki kam u Montri Rangbah ka jylla daw e ya kiwa na Khasi Jaiñtia man i iwa bakla neibhah wot ya ka chuki CEM ka GHADC leh dang yaknieh u tæ kammon u chaniah ya oo; da ong u Vincent H Pala ynning ka sngi.

Da ong u leh wa ka NPP wa ka BJP toh kawi donhi ka party wa phær du i pyrtuid donhi neibhah wa lada pait yei pyrtuid yong ki toh iwa pynkylla nei pharæng cha i dkhar wei na i dkhar cha i pharæng. Lada pait NPP mut ko National Peoples Party katwa BJP won Bharatiya Janata Party; heiwa National mut i Bharatiya, People mut i Janata iwa pynyoo wa kini ki seiñ toh kawi donhi.

“Wym tanar ki u chim dei tidiang tæ chim ki dei tidiang” (iwa mut uwi donhi u bru wow yoh la daka timun namo tidiang) da ong u Vincent.

Chooh chooh da ong u wa ka BJP toh kawa pyrchah ya kiwa khian paaid wa kiwa dooh deiwa e nongmuna ya ka 25 Kmaichonglad kawa man ka sngi wa kyntang ya ki khon ka Khristan neidaw wa man ko ka Chirstmas ka sorkar pyrdi da pynbna ko ya ka kam ka Good Governance Day heiwa da phah sap sula skur ya ki khynnah; wei ha uni u snem ka Good Friday kawa man kawi na ki sngi kyntang da pynbna ya ka kam ka Digital Day heiwa da phah ma phah biang ya ki khynnah skur u sap uniform ki.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da e nongmuna chooh chooh u yei khang u dai doh masi wei wow tynyap masi neibhah wa da pynmih aiñ (Prevention of Cruelty to Animals (Regulation of Livestock Markets) Rules, 2017) ka sorkar BJP wow khang yeini tangwa embhah wa em ka yungbichaar wa phah sangeh ya kani ka aiñ.

Da pynrap chooh chooh u wa ki thaw puræ wa ki skur wa pyllai da ki seiñ niam khamtam ki Khristan kam ka Catholic da chah ktah bha ki hadien wa pynmih ya ka aiñ (Foreign Contribution Regulation Act. (FCRA Registration) 2017) wa ong wa emkaam u yohbor na ka sorkar pyrdi chwa wow yoh yarap poisa ki na baar ri.

Heiwa da ong chooh chooh u wa dang ini wa dep da yaklam u wa u Bishop wa kiwi kiwi wow kylli lada da yoh ki ya ka poisa wa toh u yoh ki na baar ri, heiwa da khyrngiat u wa hadooh ynne ka sngi ympu em u yoh ki ya kani ka poisa.