November 23, 2021
Advertisement
Advertisement
Kiwa kitkaam ka Hima Nongspung kiwa da bood lang nadooh wa sdang ya i lai sylli ya u pood da ki Regional Committee yong ka sorkar Meghalaya wa Assam, ym yohlaad ki wow klam wot ha kawi wot leh ka yalang wa da pynman ha ka chnong Lyngkhung kawa haap hapoh ka Hima Nongspung.
Ini i tia kiwa kitkaam ka Hima Nongspung wow klam ha kani ka yalang toh hadien wa ym sñiawthooh ki ya i ktien Assamese neibhah ha waroh ki thaw wa ka Committee da lai sylli ko da klam bait du dei Assamese wei neiliang kiwa kitkaam ka Hima da pynsñiaw ki wa kwah ki wow klam dei Hindi wa da sñiawthooh lang da waroh.
Advertisement
Hawa pyrchang wow thooh ya ki daw wa u heh ka Hima ym yoh laad u wow klam ha kani ka yalang, neiliang u MLA ka Jirang uwa emlang ha ka yalang, u Sosthenes Sohtun da ong u wa i wym elaad ya kiwa kitkaam ka Hima man i neidaw wym tip wa ka chnong Lyngkhung haap ko hapoh ka Hima weiwa u Montri ka Assam kwah u wow klam du da ki tre chnong.
